10.000 færri børn í Grønlandi um 25 ár

Nú vera so fá børn fødd í Grønlandi, at hagstovan har væntar, at tey vera stívliga 10.000 færri í 2049, um 25 ár.

Í ár eru 49.957 fólk í Grønlandi, sum eru fødd í Grønlandi.

Við hetta lag vera tey tíggju túsund færri um 25 ár, vísir framteljingin hjá hagstovuni.

Í Grønlandi búgva 6.742 fólk, sum ikki eru fødd í Grønlandi.

Tað talið fer ikki at minka, væntar Hagstovan.

Fyri tíggju árum síðani blivu okkurt um 800 børn fødd um árið í Grønlandi.

Um tíggju ár vera tey færri enn 600 um árið, væntar Hagstovan.