Rektarin tekur ikki undir við niðurstøðuni hjá aðalráðnum

- Avgerðin er løgfrøðisliga skeiv, og fleiri faktuellir feilir eru í niðurstøðuni hjá Barna- og útbúgvingarmálaráðnum.

Tað sigur rektarin á Glasi, Una Joensen, eftir at aðalráðið 1. juli ógildaði uppsøgnina av fyrrverandi undirvísingarstjóranum á Glasi. 

Elsa Maria Holm Olsen

Elsa Maria Holm Olsen var søgd upp sum undirvísingarstjóri á Glasi, men uppsøgning er nú ógildað. (Savnsmynd)

Una Joensen

Una Joensen, rektari á Glasi. 

Í niðurstøðuni hjá Barna- og útbúgvingarmálaráðnum stendur m.a., at rektarin á Glasi hevur sagt ósatt fyri aðalstjóranum. 

- Talan er um eina misskiljing, sigur Una Joensen.

Hon er farin undir at skriva sína egnu frágreiðing um tilgongdina við bygnaðarbroytingunum og uppsøgnini á Glasi.

Hoyr innslag í utvarpstíðindunum: 

Í løtuni samskiftir leiðslan á Glasi við advokatin hjá fyrrverandi undirvísingarstjóranum, um hvørja loysn partarnir kunnu finna fram til, nú starvið hjá henni er niðurlagt, men uppsøgnin er ógildað.