Tey eldru trívast betur á arbeiðsmarknaðinum enn tey ungu

Eldri føroyingar trívast betur á arbeiðsmarknaðinum enn yngra ættarliðið. 

Tað er ein av staðfestingunum í granskingarverkætlan, har 9.420 fólk hava svarað spurningum um lívið á arbeiðsmarknaðinum. 

Kanningin gevur misjavna mynd av, hvussu arbeiðstakarin hevur tað.

Staðfest verður m.a., at stórur munur er á, hvussu yngra ættarliðið - í kanningini er tað aldursbólkurin 18 til 34 ár - hevur tað á arbeiðsmarknaðinum samanborið við tey, ið nærkast pensjónsaldrinum. 

Og týðiligur munur sæst eisini í svarinum hjá monnum og kvinnum. 

Hoyr innslag í útvarpstíðindunum: 

Annika Helgadóttir Davidsen, adjunktur í sálarfrøði, hevur gjørt kanningina saman við Simone Vestergaard Christiansen, Pál Weihe, Thomas
Clausen og Bo Netterstrøm.