WTO og fríhandil við Russland á skránni

Løgmaður og Villy Søvndal, uttanríkisáðharri, hava havt fund í Vestmanna fyrrapartin

Løgmaður og Villy Søvndal, uttanríkisráðharri, avmyndaðir á Vestmanna Seafood fyrrapartin eftir fundin á gomlu sýslumansskrivstovuni í Vestmanna.

Johnsigurd Johannesen

13.09.2012 - 12:21

<p>Føroyskur limaskapur í WTO, fríhandilsavtala við Russland og viðurskiftini millum Føroyar og Danmark vórðu millum evnini, sum Kaj Leo Holm Johannesen, løgmaður, og Villy Søvndal, uttanríkisráðharri, umrøddu á fundinum, teir høvdu í gomlu sýslumanshúsunum í Vestmanna fyrrapartin. </p><div><br></div><div>Villy Søvndal er á vitjan í Føroyum og kunnar føroyskar myndugleikar um uttanríkispolitisk viðurskifti.</div><div><br></div><div><b>Vitjar virki og skúla</b></div><div><br></div><div>Eftir fundin vitjaði uttanríkisráðharrin á Vestmanna Seafood, har Eyðun Olsen, rakstrarleiðari, greiddi frá. Í løtuni er Villy Søvndal á Fiskivinnuskúlanum, har Jákup Andreasen, greiðir frá. </div><div><br></div><div>Um middagsleitið verður farið á Fjørukrónna at eta ein bita, har løgmaður er vertur. Seinnapartin verður farið til Havnar, og klokkan 14 hevur uttanríkisráðharrin fund við løgtingsins uttanlandsnevnd, og síðani verður tíðinafundur í Tinganesi.</div><div><br></div><div>Í kvøld verður døgurði á Hotel Hafnia, har ríkisumboðsmaðurin er vertur.</div><div><br></div><div><b>Útvarpið sendir beinleiðis frá tíðindafundinum við Villy Søvndal, sum byrjar klokkan 16.15.</b></div>