Bussur stendur fastur í tunnilsmunna í Spania

Ein bussur við 52 ferðafólkum stendur fastur í einum í einum tunnilsmunna í økinum Pineda de Mar í Spania. Bussurin stendur í løtuni loddrættur við tunnilsmunnan, skrivar Reuters.

Bussurin koyrdi á strekkinum millum býirnar Barcelona og Tornedo í landnyrðingspartinum av Spania, tá óhappi hendi. 

Trý ferðafólk hava fingið álvarsligan skaða, og eru flutt á sjúkrahús við tyrlu. Fleiri enn 40 ferðafólk fingu smærri løstir.

Øll ferðafólkini starvast hjá fyritøkuni Inditex, sum millum annað eigur klædnamerkið Zara. 

Ógreitt er, hví óhappið hendi.