Tvíburaforeldur: "Tvey børn tørva tvey foreldur"

Fyrsta juli komu broytingar í barsilsskipanini í gildi, tá útgjaldið hækkaði til frá 25.000 til 30.000 krónir um mánaðin. Ein broyting, sum framvegis ikki er gjørd, eru barsilsviðurskifti hjá foreldrum at tví- og fleirburum.

Kortini er tað ein neyðug broyting, tí tá eiga bæði foreldur at sleppa í barsil samstundis. Tað halda Ronja H. Joensen og Teitur Martinsson Olsen, sum fingu tvíburar í januar.