Nú verður Hasfjord høgdur upp

Í næstu viku verður Hasfjord sleipaður av Strondum á Skála.

Har verður hann høgdur upp.

Smápartafelagið 12-08-09 keypti Hasfjord fyri einum ári síðani.

Felagið fæst við upphøgging.

Jarnið úr Hasfjord verður flutt til Danmarkar, haðani tað fer til Turkalands.

Hasfjord, Strandferðslan, Gamlarætt, skip, bátar, farmur, ferðafólk

Hasfjord var keyptur til farmasigling millum Gomlurætt og Skopun í 2019. Hann er bygdur í 1975. (Mynd: Bjarni Árting Rubeksen)

Keyptur fyri 410.000 kr. 

Torleif Jarmund Hansen í Skálafirði, stjóri í 12-08-09, vil ikki upplýsa, hvussu nógv fæst fyri gamla jarnið.

Felagið keypti Hasfjord fyri 410.000 krónur. Hasfjord er bygdur í 1975.

Hasfjord var keyptur úr Noregi í 2019 til at flyta byggiútgerð og betong um Skopunafjørð í sambandi við Sandoyartunnilin. 

Talan bleiv eisini um aðra farmasigling í Sandoynna.

Hasfjord kostaði landinum við øllum - tað eru keyp, umvælingar og rakstur, 30 mió. kr.