Ursula von der Leyen heldur fram sum forkvinna í ES-tinginum

Ursula von der Leyen heldur fram sum forkvinna í ES-nevndini næstu fimm árini. 

Tað er greitt, eftir at limir í ES-tinginum hava atkvøtt.

Ursula von der Leyen fekk 401 atkvøðu, og tað var meira enn nóg mikið til tess at tryggja henni avgjørdan meiriluta at verða afturvald til starvið, sum hon hevur røkt síðani 2019.

Til evstu løtu var annars ógreitt, um Ursula von der Leyen fór at verða vald, tí hon er ikki væl umtókt í øllum ES-tinginum.

Og politikarar, bæði á høgra- og vinstraveingi, gjørdu greitt undan atkvøðugreiðsluni, at teir fóru ikki at velja hana.

Í 2019 var Ursula von der Leyen vald til forkvinnu í ES-tinginum við níggju atkvøðum í meiriluta, men hesa ferð var undirtøkan størri.