- Tíðindi, mentan og ítróttur
Ógreitt um lønarmunurin verður stríðsmálið
<div>Enn er ógreitt, um munurin í lønarhækkingini verður stóra ósemjan í sáttmálasamráðingunum millum Fíggjarmálaráðið og Starvsmannafelagið. Stjórin á Lønardeildini, Snorri Fjallsbak, vil ikki siga, um tað framvegis er eitt krav hjá Lønardeildini, at hægru lønirnar fáa minni lønarhækking enn lægru lønirnar. </div><div><br></div><div>- Vit hava avtalað onki at siga við fjølmiðlarnar undir samráðingunum, sigur Snorri Fjallsbak.</div><div><br></div><div>Starvsmannafelagið krevur lønarhækking, men fer ikki at góðtaka ein sáttmála við differentiering í lønarhækkingini, sigur Selma Ellingsgaard, forkvinna í Starvsmannafelagnum.</div><div><br></div><div><b>Longdu sáttmálan </b></div><div><br></div><div>Við seinastu sáttmálasamráðingar avgjørdi Starvsmannafelagið at leingja verandi sáttmála eitt ár - uttan lønarhækking. Orsøkin var, at felagið vildi ikki góðtaka kravið hjá Fíggjarmálaráðnum um, at tey hægst løntu í felagnum skuldu hava minni lønarhækking enn tey lægst løntu. Og hetta er framvegis støðan hjá Starvsmannafelagnum.</div><div><br></div><div>Starvsmannafelagið og Fíggjarmálaráðið hittast aftur í morgin at umrøða krøvini hjá hvør øðrum og at leggja samráðingarnar til rættis.</div><div><br></div>
