Spakin settur í til íbúðarøki í Leirvík

Í gjár var spakin settur í til íbúðarøkið í nýggjasta partinum av útstykkingini í Fløtugerði í Leirvík

Tað eru íbúðir í einari og tveimum hæddum, sum skulu byggjast.

Arbeiðið at projektera og fáa til vega byggiloyvi hevur gingið væl, skrivar Eysturkommuna á heimasíðu síni. 

Nú verður farið undir at grava og gera byggibúgvið. Eftir ætlan fer arbeiðið at taka umleið 2 ár.

Tað er fyritøkan Sp/f Mai 24, ið eigur verkætlanina og fer at standa fyri allari bygging. 

Samstundis fer Eysturkommuna at leingja vegin við umleið 50-70 metrum fyri at betra um atkomumøguleikarnir.