- Tíðindi, mentan og ítróttur
Minni skattur men meiri mvg
<p>Skattainntøkan hjá landskassanum fyrstu sjey mánaðirnar í ár lækkaði 154 millónir kr. samanborið við somu tíð í fjør. Men inntøkurnar frá meirvirðisgjaldinum vórðu 45 milliónir kr. størri enn í fjør.</p><div>Tað upplýsir Jørgen Niclasen, landsstýrismaður í fíggjarmálum, í svari til Aksel V. Johannesen, løgtingsmann úr Javnaðarflokkinum, sum hevur hevur spurt landsstýrismannin um málið, nú flatskattaskipanin hevur virkað í eitt gott hálvt ár.</div><div><br></div><div><b>116 mió. kr. í eftirlønarskatti</b></div><div><br></div><div>1. januar varð farið at skatta pensjónir við inngjald, og fyrstu sjey mánaðirnar í ár fekk landskassin tilsamans 116 milliónir kr. í eftirlønarskatti. Skrásetingargjaldið hevur verið 11 milliónir kr. størri í ár, tollavgjøldini vóru fýra milliónir størri, men punktgjøldini góvur fýra milliónir minni. </div><div><br></div><div>Tilsamans komu 18 milliónir krónur fleiri í landskassan fyrstu sjey mánaðirnar í ár, enn somu tíð í fjør - ein milliard og 725 milliónir kr. í skatti og vanligum avgjøldum. </div><div><br></div><div>Á fíggjarlógini í ár verður mett, at landskassin fær tilsamans 1,2 milliardir kr. í skatti og 1,3 milliardir kr. í meirvirðisgjaldi. Eftirlønarskatturin í ár verður mettur at geva 220 milliónir kr. </div>
