Forsetin í Norðurlandaráðnum vitjar á ólavsøku

Bryndís Haraldsdóttir, forseti í Norðurlandaráðnum, vitjar í Føroyum nú um ólavsøkuna.

Á vitjanini fer hon millum annað at vera við til setanina av ólavsøkuni og til gudstænastuna ólavsøkudag.

Hon skal eisini vitja NORA og Norrønafelagið í Føroyum, hitta stjóran í Norðurlandahúsinum, og so skal Bryndis Haraldsdóttir eisini vera í løgtinginum, tá nýggja tingsetanin byrjar, har hon eisini skal hitta føroyskar politikarar.

Hetta er annað árið á rað, at forsetin í Norðurlandaráðnum vitjar í Føroyum. Í fjør hevði Noreg forsetaskapin í ráðnum, og forseti tá var Jorodd Asphjell.