Dennis Holm harmast um stórsølu av menningarkvotum

Dennis Holm, landsstýrismaður í fiskivinnumálum fílist á, at menningarkvotur, sum eru útlutaðar ókeypis nú verða seldar fyri tíggjutals milliónir. 

- Hetta er ein avleiðing av, at man rullaði lógina um sjófeingi aftur í 2019, sum var sett í verk, tá hendan samgongan sat seinast. Nú síggja vit avleiðingarnar av tí, at menningarkvoturnar knappliga eru frítt umsetiligar, sigur Dennis Holm.

Tað er tó onki at gera við júst tað, sigur hann. Hann ætlar tó at koma við einum nýggjum lógaruppskoti í heyst, sum skal forða fyri, at tær stóru fyritøkurnar, sum keypa menningarkvoturnar, gerast ov stórar.

Hoyr Dennis Holm, landsstýrismann í fiskivinnumálum, í tíðindunum kl 12.20: