Leitaðu eftir Pidda á Borðoyarvík

Kanningar vórðu gjørdar við eitt neyst, men einki er funnið

Løgreglan hevur leitað á Borðoyarvík eftir Dánjali Peturi Hansen, Pidda, men heldur ikki har er nakað funnið.

12.09.2012 - 13:49

<div>Politiið leitaði í gjár eftir líkinum av Dánjali Peturi Hansen, Pidda, á Borðoyarvík í Klaksvík, skrivar Norðlýsið á netinum.</div><div><br></div><div>Bergleif Brimvík, kanningarleiðari hjá politiinum, váttar fyri Kringvarpinum, at politiið í gjár gjørdi kanningar við eitt neyst í Klaksvík.</div><div><br></div><div>- Vit avgjørdu at leita á Borðoyarvík, tí onkur segði seg hava "sæð" fyri sær, at eitt ávíst økið á Borðoyarvík kundi hava samband við málið og tí økið er tætt við Norðoyartunnilin, sigur Bergleif Brimvík.</div><div><br></div><div><b>Funnu einki</b></div><div><br></div><div>Politiið fann einki, sum kann hava áhuga fyri kanningararbeiðið um tann horvna Dánjal Petur Hansen úr Runavík, ið hevur verið horvin síðani 4. november í fjør.</div><div><br></div><div>Ein 32-ára gamal maður, sum varð handtikin fyri at hava beint fyri Dánjali Peturi Hansen, hevur sitið varðhaldsfongslaður í 302 dagar í málinum. Rættarmálið móti handtikna manninum byrjar í Føroya Rætti mánadagin 5. november, og tríggjar vikur eru settar av til málið.</div>