Arbeiðsvanlukka oman fyri Vestmanna kravdi eitt mannalív

Ein arbeiðsvanlukka oman fyri Vestmanna í dag hevur kravt eitt mannalív.

Tað var klokkan 11 fyrrapartin at løgreglan fekk boð um, at ein yngri føroyskur maður var omandottin á einum hamara í sambandi við eitt arbeiði.

Hóast bjargingartyrlan kom á staðið, so var staðfest, at maðurin var deyður á staðnum. 

Á heimasíðuni hjá Vørn verður upplýst, at vanlukkan hendi við Mýruverkið í Vestmanna.

Tey avvarðandi hjá manninum eru kunnað, og løgreglan kannar nú málið.