Til aðalroynd við Symfoniorkestrinum og Eivør

Føroya Symfoniorkestur hevur um dagarnar tvær konsertir - tann fyrra var í Lívdini í Hoyvík í gjárkvøldið og tann seinna í Konserthúsinum hjá DR í Keypmannahavn í annaðkvøld. Á skránni er nýtt tilfar, bæði frá tónaskaldinum Sunleifi Rasmussen og songkvinnuni Eivør, sum eisini er solistur til konsertirnar.

Frumframførsla verður av verkinum "Tónar úr innastu tøgnini", ið Sunleif Rasmussen skrivaði við íblástri úr yrkingini Dreymarnir hjá Gunnari Hoydal. Og saman við Symfoniorkestrium framførir Eivør Pálsdóttir millum annað tvey løg úr nýggju fløguni ENN. Marjun Syderbø Kjelnes skrivaði tekstin, og til høvið setti Tróndur Bogason tónleikin út til symfoniorkestur. 

Vit vóru við til aðalroyndina áðrenn fyrru konsertina í Lívdini.