Næmingar á Glasi ónøgdir við nýggja telefon- og internetpolitikkin

Nýggi telefon- og internetpolitikkurin á Glasi fær misjavna undirtøku millum næmingarnar.

Skilhaldsreglurnar hava millum annað við sær, at næmingar ikki longur sleppa at hava telefonina hjá sær í tímunum, og tær merkja eisini, at internet skúlans er avmarkað soleiðis, at næmingarnir ikki longur sleppa inn á ávísar síður í skúlatíðini.

Bjørg Brynhildardóttir Egholm, skrivari í Næmingaráðnum, sigur, at nógv kenna tað sum, at reglurnar gera seg inn á sjálvábyrgdina hjá fólki, heldur hon.

Næmingaráðið skilir væl, hví stigið verður tikið, men heldur tó, har eru onnur amboð, sum skúlin hevur at brúka, til dømis at koyra næmingar út úr undirvísingini og harvið geva teimum reyðan blokk, um teir ikki fylgja við í tímunum, sigur Bjørg Bryndhildardóttir Egholm.

Veikar grundgevingar

Rektarin hevur samanborið skúlan við eitt arbeiðspláss, men arbeiðsgevararnir taka ikki telefonirnar frá fólki og leggja avmarkingar á internetið, sigur Bjørg Brynhildardóttir Egholm 

Áðrenn nýggju reglurnar vórðu settar í gildi, slapp næmingaráðið at gera sínar viðmerkingar til ætlaðu broytingarnar

Næmingaráðið merkir stóra ónøgd millum tey lesandi við skilhaldsreglurnar, sigur Bjørg Brynhildardóttir Egholm. 

Hoyr innslagið, sum var í útvarpstíðindunum.