Borgarin sigur sína hugsan: Risastór kanning um kommunurnar

Nú tað stundar til kommunuval, fer Kringvarp Føroya komandi dagarnar og vikurnar at almannakunngera eina stóra kanning, sum Lóður hevur gjørt fyri Kringvarpið, har borgarar í øllum kommununum verða spurdir um ymisk viðurskifti í teirra kommunu.

"Hetta er ein risastór kanning, har góð 3.000 fólk runt um í Føroyum hava svarað spurningum um kommunal viðurskifti. Og tað sum er serliga áhugavert er, at vit eru í øllum 29 kommununum, so í roynd og veru eru hetta 29 smáar kanningar í einari heild, sum gevur okkum nakrar møguleikan, sum vit ongantíð hava havt fyrr."

Tað sigur Heri á Rógvi, annar av stjórunum í Lóðri, og heldur fram:

"Hetta er ein ógvuliga breið kanning, so vit kunnu siga sum heild, hvat fólk halda um barnaansing, býarplanlegging ella hvat tað so skal vera, og vit kunnu samanbera millum ymsar kommunur," sigur Heri á Rógvi og leggur afturat, at ein slík kanning ikki hevur sæð sín líka í Føroyum fyrr.

Hoyrið innslag her: