Steðgur í semingsroyndini millum Maskinmeistarafelagið og KAF

Steðgur er í samráðingunum millum Maskinmeistarafelagið og Kommunala arbeiðsgevarafelagið um maskinmeistarar hjá SEV og IRF.

Hetta verður gjørt fyri at geva pørtunum stundir at kanna og rokna ymisk viðurskifti.

Tað upplýsir Terje Sigurðsson, semingsmaður. 

Partarnir vóru í realitetssamráðingum við semingsmanninum, til seint í gjárkvøldið, og ætlanin er at hittast aftur fyrst í næstu viku.

Samráðingarnar slitnaðu 5. juli, og Semingsstovnurin var boðsendur.

Sáttmálin fór úr gildi í oktober 2022.