30.300 fólk høvdu arbeiði 1. juli

1. juli høvdu 30.323 fólk í Føroyum arbeiði.

Tað eru 300 fleiri enn 1. juli í fjør.

Vøksturin er eitt prosent, skrivar Hagstovan.

Í juli høvdu knappliga 15.600 menn og 14.800 kvinnur arbeiði.

Størri vøkstur hjá kvinnum

Vøksturin hjá kvinnum er størri enn hjá monnum. Hann er hálvtannað prosent hjá kvinnum og hálvt prosent hjá monnum. 

2000 arbeiðsgevarar eru í Føroyum. 

60 prosent av kvinnunum arbeiða hjá tí almenna.

70 prosent av monnunum hava privatan arbeiðsgevara.