- Tíðindi, mentan og ítróttur
Frískúlin í Havn hongur í klønum tráð
Frískúlin í Havn hongur í klønum tráð
Stýrið fyri Frískúlan hevur boðað til eykaaðalfund um at avtaka skúlan
![](https://kvf.fo/sites/default/files/styles/grein-ovasta-mynd/public/friskulin_0.jpg?itok=I1zqfUjw)
Støða skal nú takast til, um Frískúlin í Havn skal takast av. (Savnsmynd: Frískúlin á Argjum)
04.09.2024 - 08:08
Framtíðin hjá Frískúlanum í Havn - sum er á Velbastað - hongur í klønum tráð.
Stýrið fyri Frískúlan í Havn boðar til eykaaðalfund, har eittans punkt er á skránni. Tað er uppskot um at avtaka skúlan.
Boðini um eykaaðalfund eru send øllum foreldrum at næmingunum í Frískúlanum í Havn.
Búgvi Dalsgarð, stýrisformaður, hevur ikki stórvegis viðmerkingar til málið. Hann vísir á, at talan er um eitt eymt mál, sum skal viðgerast á eykaaðalfundinum, har ein endalig støða eisini verður tikin.
Eykaaðalfundurin er lýstur at vera um tvær vikur, mikukvøldið 18. september.
Nýggjastu sendingar í ÚV
Nýggjastu sendingar í SV