Viðingar: Ikki á einum máli um neiligu úrslitini

Á Viðareiði eru tey serliga ónøgd við umstøðurnar hjá børnum og ungum, barnaansing, bý- og bygdarplanlegging og við eldraøkið, sambært stóru kommunukanningini hjá Kringvarpinum og Lóðri. 

Kortini eru tað ikki allir viðingar, sum kenna seg aftur í hesum úrslitunum. "Eg var sjálvur við hesari kanningini. Eg helt, at eg var øgiliga positivur", sigur Árni Absalonsen. 

334 fólk búgvi á Viðareiði. 68 fólk í Viðareiðis kommunu svaraðu spurningunum.