Innlandsísurin í Grønlandi minkar 28. árið á rað

28. árið á rað minkar innlandsísurin í Grønlandi. 

Tað vísa nýggj tøl hjá jarðfrøðiliga kanningarstovninum GEUS.

Hetta síðsta árið er hann minkaður við 80 gigatonsum, sum svarar til 2,5 milliónir litrar av vatni hvørt einasta sekund.

- Ítøkiliga svarar tað til umleið tríggjar svimjihallir um sekundið alt árið, sigur Andreas Ahlstrøm, høvuðsráðgevi hjá GEUS, sum hevur fylgt neyvt við broytingini í innlandsísinum, síðani miðskeiðis í nítiárunum.

Rakar serliga býir út móti sjónum

Avleiðingarnar av, at ísurin tiðnar, rakar allan heimin.

- Tað rakar tey, sum búgva í Bangladesj, og tey, sum búgva í kyrrahavsoyggjunum alt fyri eitt, men sum frá líður rakar tað allan heimin, og serlig eru tað býir út móti sjónum, sum fara at merkja tað, sigur Andreas Ahlstrøm.

GEUS roknar við, at vatnstøðan fer at hækka umleið ein metur, áðrenn vit koma inn í næstu øld.