- Tíðindi, mentan og ítróttur
Miðflokkurin stillar upp í Havn og í Klaksvík
![](https://kvf.fo/sites/default/files/styles/grein-ovasta-mynd/public/jenis_13.jpg?itok=-qE4a1Ve)
- Miðflokkurin fer á kommunuvalinum í novembur at stilla valevni upp í Havn og í Klaksvík.
Tað sigur formaðurin í flokkinum, Jenis av Rana.
- Vit hava nøkur nøvn, og arbeiða framvegis við at fáa fleiri, sigur hann.
Miðflokkurin hevur ikki stillað upp til býráðið í Klaksvík áður, og í Havn er hetta fyrstu ferð síðani 2012.
Virðisspurningar
- Miðflokkurin byggir í stóran mun politikk sín á virðisspurningar, og vit hava altíð hildið, at hesi eru meira viðkomandi í løgtinginum, enn í kommunum, sigur formaðurin.
Hann sigur, at yngra ættarliðið heldur tó, at flokkurin eigur at vera umboðaður í kommunum, tí har eru eisini viðkomandi evni á skrá.
Jenis av Rana sigur, at arbeitt verður við at fáa fleiri nøvn á uppstillingarlistarnar í Klaksvík og í Havn.
Á listunum higartil er javnstøða, har er helvtin kvinnur og helvtin menn.