- Tíðindi, mentan og ítróttur
Alilógin stríðir ímóti Hoyvíkssáttmálanum
<div>Ætlaða broytingin í alilóggávuni, sum skal avmarka útlendska eigaraskapin í føroysku alivinnuni, er í stríð við Hoyvíkssáttmálan. Tað sigur Felagið Peningastovar í sínum hoyringarsvari. </div><div><br></div><div>Loyvir Hoyvíkssáttmálin, at føroysk lóg forðar íslendingum ella feløgum í Íslandi at seta kapital í eitt føroyskt alifelag á jøvnum føti við føroyingar, spyr felagið. Felagið Peningastovnar sigur, at samanumtikið eru fleiri vansar enn fyrimunir við uppskotinum hjá Vinnumálaráðnum.</div><div><br></div><div><b>Norðmenn ger eisini vart við seg</b></div><div><br></div><div>Nakrir norskir partaeigarar, teirra millum SalMar, í Bakkafrosti hava eisini gjørt vart við seg. Lógarbroytingin fer at hava við sær øgiligar avleiðingar fyri bæði føroyskar og útlendskar partaeigarar í Bakkafrosti.</div><div><br></div><div>Íleggjarar fáa minni burtur úr at hava partabrøv í Bakkafrosti. Virðið á partabrøvunum lækkar, og tað verður truplari at fáa pengar í felagið. Tað fer ikki at bera til hjá Bakkafrosti at halda sínar skyldur í keypsskálanum í Oslo, tí ikki fer at bera til at viðgera allar partaeigarar eins. </div><div><br></div><div>Norsku partaeigararnir siga, at føroysku myndugleikarnir kunnu fáa sama úrslit sum ætlanin er við lógarbroytingini á annan hátt, millum annað í samstarvi við útlendskar íleggjarar. </div><div><br></div><div><b>VMF: Munur gjørdur á partaeigarum</b></div><div><br></div><div>Virðisbrævamarknaður Føroya fekk ikki uppskotið til hoyringar, men hevur kortini sent Vinnumálaráðnum viðmerkingar um uppskotið. Eisini Virðisbrævamarknaðurin vísir á, at munur verður gjørdur á partaeigarum. Tað er als ikki til frama fyri handilin við føroyskum partabrøvum. </div><div><br></div><div>Kapitalstreymurin til Føroya er sera umráðandi, tí kapitalstreymurin úr Føroyum er hvørt ár stórur, eitt nú tí pensjónuppsparingarnar í stóran mun fara av landinum.Um hetta lógaruppskotið verður samtykt, missa føroyskar íløgur trúvirði. </div><div><br></div><div><b>Politiskur váði</b></div><div><br></div><div>Tað er ein politiskur váði at gera íløgur í føroysk partabrøv, tí avgerandi treytir vera broyttar í eini handavending uttan ávaring, sigur Virðisbrævamarknaðurin. Og hann spyr, eins og Felagið Peningastovnar, um uppskotið er ikki í stríð við Hoyvíkssáttmalan. </div><div><br></div><div>Til ber at ímynda sær, at eitt norsk felag setir á stovn eitt íslendsk felag, sum so keypir 100% av partabrøvunum í einum føroyskum alifelagi. Spurningurin er, um lógaruppskotið kann forða fyri tí.</div><div><br></div><div>Alifelagið Marine Harvest Faroes hevur eisini nógvar atfinningar. Felagið sigur, at lógarbroytingin fer bara at raka eitt felag í Føroyum, Marine Harvest, sum hevur ætlanir um íløgur í Føroyum.</div><div><br></div><div><br></div>
