Selt mannfólkaklæðir í 60 ár

Selt mannfólkaklæðir í 60 ár
Í meir enn hálva øld hava tey selt monnum klæðir í eyðkendu hølunum hjá Kissa.
 
19.09.2024 - 11:20

Jakkar, slips, undirbuksur, belti, handskar, skjúrtur og klædningar.

Í 60 ár hevur mannfólkahandilin Hjá Kissa selt mannfólkaklæðir úr handilshølunum í Tórsgøtu í Havn.

- Vit selja vørur, sum vit kunnu standa inni fyri, góðskuvørur, og so liggja vit mitt í hjartanum í Havnini. Tí, haldi eg, at vit hava klárað 60 ár.

Orðini eigur Birgir Carlsson, sum síðani ár 2000 hevur arbeitt í handlinum.

Um hugt verður aftur á mótarák, sum hava verið øll hesi árini, eru nøkur, sum Birgir Carlsson minnist serliga væl.

- Nakað av tí fyrsta populera í handlinum vóru sonevndu Beatles-jakkarnir, sum tá í tíðini kostaðu umleið 350-400 krónur. Síðani hava vit annars sæð klædningsjakkar við tveimum slissum og klædningsbuksur, sum sita rættiliga tætt, fortelur Birgir Carlsson

Seinasta leygardag, tann 14. september, vóru júst 60 ár liðin, síðani Jens Christian Hansen, nevndur Kissa, fyri fyrstu ferð læt dyrnar upp í eyðkenda mannfólkahandlinum.

Síðani 2000 hevur Birgir Carlsson, sum er abbasonur Kissa, verið í handlinum, sum hann í dag eigur.

Í morgunsendingini fortelur Birgir Carlsson um eitt nú mannfólkamóta, handilsvirksemi og mótarák. 

1697111

 

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435