Avgerð tikin: ÍF og B68 taka dystin uppaftur

Um vikuskiftið bleiv dysturin millum fuglfirðingar og toftamenn blástur av, áðrenn dysturin var liðugur. Móti dystarenda bleiv ein áskoðari ússaligur, og fólk vórðu skelkað av hendingini.

Dómarin til dystin, Bjarki Danielsen, valdi at blása dystin av. 

Nú hevur Kappingarnevndin gjørt av, at dysturin skal spælast liðugur í annaðkvøld klokkan 17.30, og at dysturin verður tikin uppaftur í 89. minutti. Sum skilst skal spælast við somu spælarum, sum vóru á vøllinum, tá dysturin varð steðgaður.

Tá dysturin bleiv blástur av leygardagin var støðan 3-1 til B68.