Føroyski sendimaðurin í Ísrael í bumbuskýli

Petur Petersen, føroyskur sendimaður í Ísrael, fór í bumbuskýli, tá Hizbollah skeyt rakettir inn yvir Tel Aviv fyrrapartin, sum aftursvar til ísraelsku innrásina í Libanon.

Ísrael skeyt rakettirnar niður, men kortini er tað ikki vandamikið, tí petti frá rakettunum kunnu gera skaða:

Ísrael og Libanon, Libanon

Ísraelsku loftálopini á Beirut halda eisini fram. (Mynd: AFP/Ritzau Scanpix)

Hizbollah ætlaði at gera ein nýggja innrás í Ísrael.

Tað sigur Daniel Hegari, talsmaður fyri ísrelska herin IDF, sum vil vera við, at Hizbollah ætlaði at endurtaka yvirgangsálopið frá 7. oktober í fjør. 

Tí gjørdi Ísrelski herurin landálop í Libanon í morgun, skrivar Ritzau. 

- Hizbollah hevði lagt til rættis eina nýggja 7. oktober-innrás og ætlaði leypa á felagsskapir og drepa ósekar menn, kvinnur og børn, sigur Daniel Hegari.

Hann leggur dent á, at Ísrael er í kríggi við Hizbollah og ikki við libanesiska fólkið. 

Tað var tíðliga í morgun, at ísrelski herurin fór inn í Libanon: