Medisinska seingjardeildin flytur í H-bygningin í dag

Í dag flytur medisinska seingjardeildin á Landssjúkrahúsinum í H-bygningin.

Medisinska seingjardeildin skal vera á fyrstu hædd.

Sjúklingar, sum higartil eru ávístir og innlagdir á B6, verða nú innlagdir á H1 í eindini vestureftir í H-bygninginum. 

Á nýggju seingjardeildini eru einastovur.

Fyri at koma í samband við deildina kann ringjast til høvuðsnummarið hjá Landssjúkrahúsinum, 304500, og biðja um Eindarstøð 4 á H1, sigur Sjúkrahúsverkið.