Djóni Eidesgaard givin sum aðalskrivari í Barnabata

Eftir gott og væl 11 ár er Djóni Eidesgaard farin úr starvi sum aðalskrivari í Barnabata. 

- Nú er tíðin komin at royna aðrar leiðir.

Tað skrivar hann í einum uppslagi á Facebook.

Djóni Eidesgaard á Facebook

Kringvarpið hevur tosað við Djóna Eidesgaard. 

Hann vil ikki siga nakað um, hví hendan avgerð er tikin, ella viðmerkja støðuna.

Kringvarpið hevur eisini verið í sambandi við Turið Horn, nevndarlim í Barnabata. 

Hon vil ikki úttala seg, um ein fráfaringaravtala er gjørd. Í boðum til Kringvarið skrivar hon: 

"Eg kann vátta, at vit eru samd, og at hann er farin úr starvi. Nevndin tekur, saman við starvsfólkum, hond um virksemið."

Eitt toymi við tveimum samskiparum manna  í løtuni Barnabata.