- Tíðindi, mentan og ítróttur
Sjófrágreiðing verður í morgin
<div>Eitt umboð fyri pólsku sendistovuna í Keypmannahavn er komið til Føroya at fáa greiði á støðuni hjá sjófólkunum, sum vóru við pólska seglbátinum, ið kom í havsneyð.</div><div><br></div><div>Løgreglan hevur havt fund við pólska umboðið, og nú verður sjófrágreiðing fyrireikað, sigur Peter Thaysen, leiðandi politiinspektørur. Sjófrágreiðingin í rættinum í morgin klokkan 9.15</div><div><br></div><div>Eftir føroyskari lóggávu skal sjófrágreiðing vera, um ein vanlukka, sum krevur mannalív, hendir á sjónum. Sama lóg er ikki galdandi fyri útlendsk skip, sum eru uttan fyri 12 fjórðingar, og tí hevur løgreglan arbeitt við at fáa greiði á pólsku lógini á økinum.</div><div><br></div><div>Í gjárkvøldið kom eitt umboð fyri polsku sendistovuna í Keypmannahavn til Føroya, og í morgun hevði løgreglan fund við umboðið.</div><div><br></div><div><b>Lógin líkist</b></div><div><br></div><div>Peter Thaysen sigur, at føroyska lógin og pólska lógin líkjast á hesum øki, men tað eru pólsku myndugleikarnir, ella skiparin á bátinum, sum skulu biðja um sjófrágreiðing. Og tað er nú gjørt.</div><div><br></div><div>Tað hevur skund at fáa málið avgreitt, so póllendingarnir sleppa heimaftur, sigur hann. Um bátur og fólk vóru tryggjað, veit Peter Thaysen ikki at siga. Tað verður ikki greitt, fyri enn málið kemur fyri í sjórættinum í morgin, sigur hann. </div><div><br></div><div><b>Ógreitt við endurgjaldi</b></div><div><br></div><div>Um endurgjaldskrav verður reist fyri bjargingina, er heldur ikki greitt. Anfinn Olsen, reiðari á Róki og Lerki, sigur, at tey hava als ikki tosað um tað enn.</div><div><br></div><div>- Tá báturin sendi út neyðarkall, varð fyrst og fremst hugsað um at bjarga mannalívum, sigur hann.</div><div><br></div><div>Hann sigur, at annar trolarin misti ein gummibát í bjargingini. Ein sjógvur tók bátin, tá trolarin legði seg upp í lu fyri at verja seglbátin.</div><div><br></div><div>- Sostatt hevði reiðaríið nakað av útreiðslum av bjargingini, men enn hava vit ikki tosað um nakað, sigur Anfinn Olsen. Hann væntar kortini, at reiðaríið fer at gera upp, hvat bjargingin kostaði felagnum.</div><div><br></div>
