Kappingareftirlitið skal viðgera søluna av SMS til íslendingar

Kappingareftirlitið skal nú viðgera fráboðanina um, at íslendska felagið Hagar ætlar at keypa SMS-samtakið.

Treytað søluavtala er gjørd millum smápartafelagið NM Holding og partafelagið Farcod, sum eiga allan partapeningin í SMS, um at selja hann til Íslendska felagið.

Keyparin, Hagar, er børsskrásett felag í Íslandi.

Felagið er virkið á nógvum marknaðum í Íslandi, men hevur einki virksemi í Føroyum.

Eiga í níggju smápartafeløgum og partafeløgum

Handilin ger, at SMS heldur fram sum nú.

SMS eigur í níggju smápartafeløgum og partafeløgum.

SMS eigur 100 prosent í Miðlon og Dvøljuni, 75 prosent í Hair Couture Føroyar, 60 prosent í Rumbli, 50 prosent í Omaná, Burn Fitness, Burn Finans og Demmusi og tíggju prosent í felagnum 0410.

Møguligar viðmerkingar um yvirtøkuna skulu vera Kappingareftirlitinum í hendi í seinasta lagi 18. november.