Ognin var fimm milliardir størri enn skuldin

Føroyar áttu stívliga fimm milliardir krónur meira, enn tær skyldaðu uttanlands í fjør.

Í 2022 var nettoskuldin tvær milliardir krónur.

Hetta komst serstakliga av, at fyritøkur tóku stór lán hetta árið. 

Nettoognin vaks 7,6 milliardir í fjør.

Ein orsøk er, at virðið á virðisbrævaognunum uttanlands hækkaði í 2023. 

Samstundis minkaði virðið á virðisbrævognunum hjá útlendingum í føroyskum fyritøkum, skrivar Hagstovan.

Allir geirar hava størri nettoogn. 

Tað almenna hevur hálvaaðru milliard meira í nettoogn. 

Uttanlandsskuldin vaks fjórðings milliard, so nettoognin hjá tí almenna er góðar 1,2 milliardir krónur størri.  

Meira enn helvtin av ogn føroyinga uttanlands er í virðisbrøvum.