- Tíðindi, mentan og ítróttur
Hava staðfest at maðurin er deyður
<p>Lækni hevur nú staðfest, at tann eini av manningini á pólska seglbátinum er deyður. Líkið av manninum er flutt í land av Brimli, sum kom á Havnina um hálvgum níggju tíðina.</p><div><br></div><div>Eftir øllum at døma var póllendingurin raktur, tá masturin á seglbátinum brotnaði í ódnarveðrinum, og hann misti vitið. Løgreglan er nú umborð á Brimli og tosar við teir sjey póllendingarnar, sum eftir eru. Tórshavnar kommuna hevur játtað at veita teimum innivist fyribils. </div><div><br></div><div><b>Bjargað í gjárkvøldið</b></div><div><br></div><div>Tey tíggju fólkini, sum vórðu við pólska seglbátinum Rzeszowiak, vórðu bjargað umborð á Brimil um átta tíðina í gjárkvøldið. Tveir av manningini, sum høvdu fingið skaða, vórðu tiknir upp í føroysku tyrluna, sum flutti teir á flogvøllina, haðani teir vórðu koyrdir á Landssjúkrahúsið. </div><div><br></div><div>Trolarin Rókur togar pólska seglbátin til lands.</div><div><br></div><div><b>Tíðindafundur verður á Fiskiveiðieftirlitinum klokkan 11, og útvarpið fer at senda beinleiðis haðani. Umboð fyri Brimil, MRCC, Atlantsflog, løgregluna og Færøernes Kommando verða á tíðindfundinum.</b></div>
