- Tíðindi, mentan og ítróttur
Kommunuskrivarin verður nú kommunustjóri
Kommunuskrivarin verður nú kommunustjóri
Býráðið í Nes kommunu hevur samtykt at umskipa starvið
Á nýggarinum verður Elsbet Ellingsgaard Magnussen kommunustjóri í Nes kommunu.
02.12.2024 - 13:05
Nes kommuna fær nú kommunustjóra.
Á fundi 25. november samtykti býráðið at umskipa kommunuskrivarastarvið soleiðis, at Elsbet Ellingsgaard Magnussen, kommunuskrivari, frá 1. januar 2025 verður kommunustjóri.
Elsbet E. Magnussen hevur verið kommunuskrivari í Nes kommunu síðan 1. juni 2021. Hon hevur útbúgving í master í politikki og umsiting frá Fróðskaparsetri Føroya.
Stórur fólkavøkstur hevur verið í Nes kommunu, og kommunan er eisini vorðin býur.
Heimasíðan hjá Nes komunu skrivar, at nú kommunuskrivarin í Nes kommunu hevur fingið enn fleiri leiðslukendar uppgávur, heldur býráðið tað vera rætt at umskipa kommunuskrivarastarvið til kommunustjóra.
Er kopiera
Nýggjastu sendingar í ÚV
Nýggjastu sendingar í SV
