Frídømdur fyri mandatsvik

Maðurin, sum var ákærdur fyri mandatsvik, er frídømdur.

Tað er ikki prógvað, at hann brúkti gjaldskortið.

Ákæruvaldið kravdi 14 daga treytaða fongsulsrevsing.

Hann var ákærdur fyri at brúka gjaldskortið hjá einum øðrum at keypa bensin fyri.

Hann var ákærdur fyri at keypa bensin 18 ferðir fyri tilsamans 4.200 krónur.

Hetta skal vera hent í tíðarskeiðinum frá 11. september 2019 til 13. november 2020.

Maðurin arbeiddi á einum stovni, har tann, sum átti kortið, var búfólk.

Maðurin noktaði seg sekan.

Ákæruvaldið umhugsar nú, um tað skal fara í Landsrættin við málinum.