Forsetin í Suðurkorea fyri ríkisrætt

Parlamentslimir í Suðurkorea hava í morgun okkara tíð atkvøtt fyri at draga forsetan, Yoon Suk Yeol, fyri ríkisrætt. 

Við tí verður forsetin fyribils koyrdur frá, meðan ríkisrætturin tekur støðu til ákæruna.

Tað eru smáar tvær vikur síðani, at Suðurkorea endaði í størstu politisku kreppuni í nýggjari tíð, tá Yoon Suk Yeol, lýsti serliga undantaksstøðu í landinum. Orsøkin var, at hann vildi verja landi ímóti einari kommunistiskari hermegi, sum hann orðaði seg.

Samstundis legði forsetin andstøðuna í Suðurkorea undir at hava samhuga við kommunistiska einaræðinum í grannalandinum Norðurkorea.

Nakrar tímar seinni samtykti ein meiriluti í tjóðartinginum at seta úr gildi undantaksstøðuna.

Atkvøðugreiðslan um ríkisrættin er tann næsta hesa vikuna, eftir at flokkurin hjá Yoon boykottaði atkvøðugreiðsluna fyrr í vikuni. So var ikki í dag, og 204 av 301 parlamentslimum atkvøddu fyri ríkisrættinum, skrivar The Guardian.

Eini 200.000 fólk stóðu uttanfyri parlamentið, og kravdu, at forsetin varð drigin fyri ríkisrætt, fyri at lýsa serligu undantaksstøðuna. 

Mótmæli uttanfyri Suðurkoreanska parlamentið