Tjaldur keypt seg inn í Servi Group

Tjaldur hevur keypt sín part frá familjufyritøkuni Ferd, sum felagið hevur samstarvað við í fleiri ár nú. 

- Vit hava gjørt fleiri íløgur í Føroyum, men vit ynskja eisini at gera íløgur uttanlands og vaksa um plattformin hjá okkum, sigur Janus Thomsen stjóri í Tjaldri.

Kjarnu virkisøkini hjá Servi eru serliga innan frálandavinnu, maritimu vinnuna, umframt orkuvinnuna, og fevnir framleiðslan hjá felagnum m.a. um hydrauliskar loysnir. 

Tjaldur hevur týðandi ognarlut í GroAqua, Nema, Effo, Mintra, og nú eisini Servi.