Sernám spert: skal gera meir fyri somu játtan

Meðan fólkaskúlin varð skerdur, tá ið fíggjarlógin fyri næsta ár varð samtykt í vikuni, slapp stovnurin Sernám, ið millum annað virkar innan skúlans gátt, undan skerjing.

Men tað hjálpir kortini ikki so nógv, tí eins og fólkaskúlin fær fleiri og fleiri uppgávur, fær Sernám tað eisini.

Sernám veitir dagstovnum, skúlum og foreldrum, ið varða av børnum og ungum, ráðgeving í sernámsfrøðiligum viðurskiftum.

- Vit skulu gera meira og meira fyri teir somu pengarnar, tí játtanin er ikki vaksin, sigur Margreth Olsen, stjóri í Sernámi.