Nógv deyð í flogvanlukku í Suðurkorea

Flogskiparin fekk ikki bremsað flogfarinum, tá tað setti seg á flogbreytina í Muan. 

Myndir vísa, at flogfarið fór út av flogbreytini og rakti ein vegg. Eldur kom í og flogfarið kolaðist upp.

181 fólk vóru umborð, 175 ferðafólk og flogmanningin, sum taldi seks.

Tvey fólk eru bjargað.

Suðurkoreanska flogfelagið, Jeju Air, átti flogfarið, sum var av slagnum Boeing 737-800.

Svørtu kassarnir í flogfarinum eru funnir.

Orsøkin til vanlukkuna er ikki staðfest enn. Men sløkkiliðsmyndugleikarnir siga, at hildið verður at keðilig veðurlíkindi og fuglar kunnu hava verið orsøk til vanlukkuna.

Hetta er ringasta flogvanlukka, sum er hend á Suðurkoreanskari jørð yvirhøvur.