Skúladagurin skal styttast

Skúladagurin hjá okkara børnum er ov drúgvur.

Tað heldur Djóni Nolsøe Joensen, landsstýrismaður, sum í næstum fer at leggja uppskot fyri Løgtingið um at stytta skúladagin.

At stytta skúladagin er ein av átta broytingum í uppskotinum hjá Djóna Nolsøe Joensen, um at broyta fólkaskúlalógina. Eisini er ætlanin, at skúlarnir fáa størri frælsi at skipa skúladagin og at endurskoða lærugreinabýtið, so at javnvág verður millum hugvísindi, náttúruvísindi og skapandi læru.

Djóni Nolsøe Joensen, Breddin

Frítekst tagging: 

Djóni Nolsøe Joensen

Breddin

Bjarni Árting Rubeksen

Djóni Nolsøe Joensen (Mynd: Bjarni Árting Rubeksen)

Læra minni

Uppskotið fór til hoyringar beint fyri jól.

- Kanningar vísa, at børnini læra nógv minni, tá liðið er út á seinnapartin, og vit vita frá lærarum, at næmingarnir eru merktir av mótloysi og lítlari orku móti endanum av longu skúladøgunum, sigur Djóni Nolsøe Joensen í tíðindaskrivi.

Føroysku skúlabørnini hava í dag longstu skúlavikuna samanborið við næmingar í grannalondunum. Kortini er fakligi førleikin ikki samsvarandi hægri.