Donald Trump yngri er komin til Nuuk

Um eitt tíðina føroyska tíð lendi Donald Trump yngri, sonur komandi forsetan í USA, í Nuuk.

Vitjanin hevur fingið nógva rúmd í altjóða miðlum, tí komandi amerikanski forsetin fleiri ferðir hevur sagt, at hann kundi hugsað sær, at Grønland gjørdist ein partur av USA.

Donald Trump jr., Donald Trump yngri

Donald Trump yngri 

Sonurin sjálvur hevur hinvegin sagt, at hann er komin til Grønlands í privatum ørindum, og endamálið er at taka upp tilfar til sítt podvarp, "Triggered with Don Jr.".

Grønlendska aðalráðið fyri sjálvstýri og uttanríkismál skrivar eisini í tíðindaskrivi, at talan er um eina privata vitjan, og at eingin fundur er avtalaður við grønlendska landsstýrið.

KNR skrivar, at vitjanin varar í fýra til fimm tímar. 

Hóast amerikonsku vitjanina fer Mute B. Egede, landsstýrisformaður, sjálvur til Danmarkar í dag, har hann skal vera vertur fyri einari nýggjársmóttøku á grønlendsku sendistovuni í Keypmannahavn.

Vekir ans

Vitjanin hjá Donald Trump yngra, í Grønlandi hevur vakt ans um allan heim og hon er samstundis, sum grønlendingar eru farnir at kjakast um støðuna hjá Grønlandi í Ríkisfelagsskapinum. 

Tað sigur Masaana Egede, ábyrgdarblaðstjóri á grønlendska miðlinum Sermitsiaq:

Donald Trump yngri kom til Nuuk við flogfarinum hjá pápa sínum. Sí videobrot her.