Í STUTTUM: Hetta lovar nýggi borgarstjórin í Havn

Reinsaríið í Tórsgøtu í Havn var fullsett, tá nýggi borgarstjórin, Elsa Berg, vegna býráðsmeirilutan við Tjóðveldi, Javnaðarflokkinum og Borgaralistanum, legði fram samstarvsavtaluna, sum meirilutin fer at arbeiða eftir næstu fýra árini. 

Undir yvirskriftini "Ein rúmlig kommuna" greiddi Elsa Berg, borgarstjóri í Tórshavnar kommunu, frá teimum ætlanum og raðfestingum, sum flokkarnir eru blivnir samdir um. 

Millum teir tættir, ið verða nevndir, er meira nærdemokrati, ein nýggjur skúli skal byggjast í Hoyvík, barnatalið í barnagørðum skal minkast, og at tað skal gerast lættari hjá fólki at seta búgv í høvuðsstaðarkommununi.