Færri kvinnur eru arbeiðsleysar

Færri kvinnur eru arbeiðsleysar nú.

Í november í fjør vóru 94 fulltíðararbeiðsleysar kvinnur.

Arbeiðsloysið er 0,7 prosent, sum er 0,1 prosentstig minni enn í november 2023.

Hjá monnum er júst øvut.

Hjá monnum var arbeiðsloysið 1,0 prosent. 170 fulltíðararbeiðsleysir menn vóru í november í fjør, 0,1 prosentstig meira enn í november 2023, skrivar Hagstovan.

Samanumtikið var arbeiðsloysið 0,9 prosent í november.

Í november 2023 var arbeiðsloysið 0,8 prosent.

38 fólk eru langtíðararbeiðsleys.

Tey hava verið arbeiðsleys í meira enn eitt ár.

Tey fulltíðararbeiðsleysu vóru seks fleiri í november í fjør enn í november 2023.