- Tíðindi, mentan og ítróttur
Stjórin í Mossad til Katar at tosa um Gasa
Stjórin í Mossad til Katar at tosa um Gasa
Tíðliga í hesum mánaðinum var mett, at umleið 100 gíslar eru framvegis í Gasa. Av teimum eru einir 60 á lívi
Benjamin Netanyahu, forsætisráðharri, hevur givið boð um, at stjórin í fregnartænastuni Mdssad skal fara til Katar at tosa um í Gasa.
Mynd: Reuters/Ritzau Scanpix
13.01.2025 - 08:22
Amerikanski forsetin Joe Biden tosaði um vikuskiftið við ísraelska forsætisráðharran Benjamin Netanyahu um samráðingar, um at lata leysar gíslar og um at fáa í lag vápnahvíld í Gasa, sigur eitt amerianskt embætisfólk við AFP-tíðindastovuna.
Hetta hendir samstundis sum Biden leggur trýst á at fáa vápnahvíld millum Ísrael og Hamas, áðrenn Donald Trump kemur aftur í Hvítu húsini 20.januar.
Leygardagin komu boð frá umsitingini hjá Benjamin Netanyahu um, at Ísrael sendir stjóran fyri Mossad-fregnartænastuna til Katar at tosa um Gasa.
Joe Biden, forseti, roynir at leggja trýst á at fáa vápnahvíld millum Ísrael og Hamas. (Mynd: AFP/Ritzau Scanpix)
Bert ein vápnahvíld
Síðani yvirgangsatsóknina hjá Hamas í Ísrael 7.oktober 2023 og kríggið í kjalarvørrinum á tí, hevur vápnahvíld bert verið eina ferð.
Hon var seint í november 2023, og umleið 100 ísraelskir gíslar vóru býttir um við meira enn 200 palestinskar fangar.
Tíðliga í hesum mánaðinum var mett, at umleið 100 gíslar eru framvegis í Gasa, og av teimum eru einir 60 á lívi, siga ísraelska keldur.
Er kopiera
Nýggjastu sendingar í ÚV
Nýggjastu sendingar í SV
