Trump biðið um fund við Putin um Ukraina

Nývaldi amerikanski forsetin, Donald Trump, hevur biðið russiska forsetan, Vladimir Putin, um fund. Endamálið er at fáa enda á krígnum í Ukraina.

Eitt av vallyftunum hjá Donald Trump var at fáa enda á krígnum í Ukraina beinan vegin. Og tað verður stutt eftir, at hann tekur við sum forseti tann 20. januar, at hann og Vladimir Putin skulu hittast at umrøða hetta.

Um vikuskiftið boðaði Donald Trump frá, at hann hevur sett seg í samband við Vladimir Putin at fáa ein fund í lag sum skjótast.

Vladimir Putin

Vladimir Putin er sinnaður at hitta Donald Trump.

Stutt eftir fráboðanina váttaði Dmitrij Peskov, talsmaður hjá russiska forsetanum, at Vladimir Putin er sinnaður at hitta Donald Trump.

- Tað er ikki neyðugt at lúka nøkur krøv. Tað krevur bara eitt felags ynski og politiskan vilja at halda samrøðuni og loysa trupulleikar sum eru gjøgnum samrøðuna, sigur Dmitrij Peskov við tíðindastovuna Reuters.