Allir túrar við Bygdaleiðum fyrbils avlýstir

So fitt av vindi er ymsastaðni kring landið í morgun, at Strandferðslan fyribils hevur avlýst allar túrar við bussum. Eisini siglingin er ávirkað

Fitt av vindi er ymsastaðni kring landið í morgun. Strandferðslan hevur tí fyribils avlýst allar túrar við Bygdaleiðum

Bjarni Mohr

04.09.2012 - 08:06

<p>Jens Petur Brattalíð, ferðslusamskipari hjá Strandferðsluni, sigur, at sum veðrið hevur verið í morgun, so hevur Strandferðslan avgjørt, at eingin koyring við bussum hjá almenna flutningsfelagnum verður fyribils.</p><p>Nógvi vindurin ávirkar eisini siglingina hjá Strandferðsluni. Ternan, sum siglir í Sandoynna, Froyur, ið siglir um Nólsoyarfjørð, Sildberin, sum siglir til Skúvoyar, og Ritan, ið siglir til Fugloyar og Svínoyar, sigla ikki fyribils.</p><div>Nær almenna samferðslan aftur kemur í rætt lag er í løtuni ikki greitt. Sambært teimum nýggjastu veðurforsøgnunum, so fer at líða móti middegi áðrenn vindurin aftur fer at minka.</div>