Fagna fjølmentan í Eysturskúlanum

"Vit skulu minnast til, at tá okkara børn fara heim, so hava tey ofta onnur mál at fyrihalda seg til. Tað kann vera ein mamma ella ein pápi, sum er tilflytari - ella ommur og abbar, ið búgva í øðrum londum." Sigur Durita Jacobsen, lærari í føroyskum sum annaðmál. 

Í hesari vikuni hava 6 flokkarnir í Eysturskúlanum havt eina sonevnda mál - og verkætlarnarviku: Málvinir í Norðurlondum. Soleiðis hava tey funnið utav, at næmingarnir í 6.a og 6.b hava tilknýti til 16 ymisk mál. 

Hvør næmingur hevur gjørt eina skattakistu, har tey hava víst, hvør tey eru - og hvat tey eru góð við. 

Harftrat, so hava tey eisini hoyrt meira um tey ymsu málini, sum tey umboða ella hava tilknýti til. 

Vit eru ein øgiliga fjølbroytt tjóð - og tað eiga vit at síggja virði í, sigur Durita Jacobsen.