ES-tiltøk móti Russlandi verða væntandi longd

Hóast Ungarn hótti við at atkvøða ímóti, væntar uttanríkisstjórin í ES, Kaja Kallas, at tiltøkini móti Russland vera longd.

- Vit skulu kjakast um støðuna í Ukraina, og eg vænti eina avgerð um at leingja verandi tiltøk, segði Kaja Kallas undan fundin við uttanríkisráðharrarnar í ES-londunum í Brússel í dag.

- Síðani skulu vit tosa um, hvat annað vit kunnu gera fyri at leggja størri trýst á Russland fyri at enda kríggið, legði Kallas aftrat.

Samtyktin um tiltøk móti Russlandi mugu leingjast sætta hvønn mánað, og hon má vera einmælt.

Ungarski forsætisráðharrin, Viktor Orban, hevur seg, at Ungarn atkvøður ímóti, um ikki Ukraina skrúvar frá aftur fyri gassflutninginum úr Russlandi til ES gjøgnum landið.