Ætla at seta nýggjan kringvarpsstjóra í mars

Nýggjur kringvarpsstjóri verður væntandi settur í mars mánaði.

Tað sigur Rógvi Olavson, formaður í kringvarpsstýrinum.

Hann sigur, at kringvarpsstýrið fer at hava fund hósdagin 6. februar, har starvslýsingin skal endaliga góðkennast, og vikuna eftir kemur lýsingin út.

kringvarpsstýrið stýrið rógvi olavson

Kringvarpsstýrið fyrireikar nú lýsingina eftir nýggjum kringvarpsstjóra. (Mynd: Bjarni Árting Rubeksen)

Miðað verður so eftir at seta nýggjan stjóra einaferð í mars mánaði, sigur Rógvi Olavson.

Nær nýggi stjórin so kann taka við starvinum, veldst um so nógv, millum annað uppsagnartíð.

Tað eru skjótt tveir mánaðir síðani,  Ivan Niclasen varð koyrdur frá sum stjóri í Kringvarpinum.

Katrin Petersen er fyribils kringvarpsstjóri.